Book 4.450-463
Dido grows tired of life and wishes for death. She sees horrible omens.
Tum vero infelix fatis exterrita Dido
450
mortem orat; taedet caeli convexa tueri.
451
Quo magis inceptum peragat lucemque relinquat,
452
vidit, turicremis cum dona imponeret aris,
453
horrendum dictu, latices nigrescere sacros,
454
fusaque in obscenum se vertere vina cruorem.
455
Hoc visum nulli, non ipsi effata sorori.
456
Praeterea fuit in tectis de marmore templum
457
coniugis antiqui, miro quod honore colebat,
458
velleribus niveis et festa fronde revinctum:
459
hinc exaudiri voces et verba vocantis
460
visa viri, nox cum terras obscura teneret;
461
solaque culminibus ferali carmine bubo
462
saepe queri et longas in fletum ducere voces;
463