Book 4.437-449
Anna tries with little success. Aeneas is steadfast and strong, like an alpine oak.
Talibus orabat, talisque miserrima fletus
437
fertque refertque soror: sed nullis ille movetur
438
fletibus, aut voces ullas tractabilis audit;
439
fata obstant, placidasque viri deus obstruit auris.
440
Ac, velut annoso validam cum robore quercum
441
Alpini Boreae nunc hinc nunc flatibus illinc
442
eruere inter se certant; it stridor, et altae
443
consternunt terram concusso stipite frondes;
444
ipsa haeret scopulis, et, quantum vertice ad auras
445
aetherias, tantum radice in Tartara tendit:
446
haud secus adsiduis hinc atque hinc vocibus heros
447
tunditur, et magno persentit pectore curas;
448
mens immota manet; lacrimae volvuntur inanes.
449