Book 8.81-89
Suddenly Aeneas sees the white sow and her thirty piglets. He sacrifices her to Juno. The Tiber calms its waters.
Ecce autem subitum atque oculis mirabile monstrum;
81
candida per silvam cum fetu concolor albo
82
procubuit viridique in litore conspicitur sus.
83
Quam pius Aeneas tibi enim, tibi, maxuma Iuno,
84
mactat sacra ferens et cum grege sistit ad aram.
85
Thybris ea fluvium, quam longa est, nocte tumentem
86
leniit, et tacita refluens ita substitit unda,
87
mitis ut in morem stagni placidaeque paludis
88
sterneret aequor aquis, remo ut luctamen abesset.
89