Book 8.347-358
Evander now leads Aeneas up the Capitoline Hill and shows him a grove, possibly inhabited by Jupiter. There are also ruins on other hills.
Hinc ad Tarpeiam sedem et Capitolia ducit,
347
aurea nunc, olim silvestribus horrida dumis.
348
Iam tum religio pavidos terrebat agrestis
349
dira loci, iam tum silvam saxumque tremebant.
350
“Hoc nemus, hunc” inquit “frondoso vertice collem
351
(quis deus incertum est) habitat deus: Arcades ipsum
352
credunt se vidisse Iovem, cum saepe nigrantem
353
aegida concuteret dextra nimbosque cieret.
354
Haec duo praeterea disiectis oppida muris,
355
reliquias veterumque vides monimenta virorum.
356
Hanc Ianus pater, hanc Saturnus condidit arcem:
357
Ianiculum huic, illi fuerat Saturnia nomen.”
358