Book 8.184-197
Evander explains the origins of the feast. The monster Cacus used to live in a cave nearby.
Postquam exempta fames et amor compressus edendi,
184
rex Euandrus ait: “Non haec sollemnia nobis,
185
has ex more dapes, hanc tanti numinis aram
186
vana superstitio veterumque ignara deorum
187
inposuit: saevis, hospes Troiane, periclis
188
servati facimus meritosque novamus honores.
189
Iam primum saxis suspensam hanc aspice rupem,
190
disiectae procul ut moles desertaque montis
191
stat domus et scopuli ingentem traxere ruinam.
192
Hic spelunca fuit, vasto summota recessu,
193
semihominis Caci facies quam dira tenebat
194
solis inaccessam radiis; semperque recenti
195
caede tepebat humus, foribusque adfixa superbis
196
ora virum tristi pendebant pallida tabo.
197