Book 5.58-71
Aeneas bids his men to celebrate the life of Anchises. He decides to hold games in his father's honor.
Ergo agite, et laetum cuncti celebremus honorem;
58
poscamus ventos; atque haec me sacra quotannis
59
urbe velit posita templis sibi ferre dicatis.
60
Bina boum vobis Troia generatus Acestes
61
dat numero capita in naves; adhibete Penates
62
et patrios epulis et quos colit hospes Acestes.
63
Praeterea, si nona diem mortalibus almum
64
Aurora extulerit radiisque retexerit orbem,
65
prima citae Teucris ponam certamina classis;
66
quique pedum cursu valet, et qui viribus audax
67
aut iaculo incedit melior levibusque sagittis,
68
seu crudo fidit pugnam committere caestu,
69
cuncti adsint, meritaeque exspectent praemia palmae.
70
Ore favete omnes, et cingite tempora ramis.”
71