Book 5.533-544
Impressed by the omen, Aeneas offers Acestes a special prize. Then all the other contestants get their rewards.
“Sume, pater; nam te voluit rex magnus Olympi
533
talibus auspiciis exsortem ducere honores.
534
Ipsius Anchisae longaevi hoc munus habebis,
535
cratera impressum signis, quem Thracius olim
536
Anchisae genitori in magno munere Cisseus
537
ferre sui dederat monumentum et pignus amoris.”
538
Sic fatus cingit viridanti tempora lauro,
539
et primum ante omnes victorem appellat Acesten.
540
Nec bonus Eurytion praelato invidit honori,
541
quamvis solus avem caelo deiecit ab alto.
542
Proximus ingreditur donis, qui vincula rupit;
543
extremus, volucri qui fixit harundine malum.
544