At qui deinde locum tenuit virtute secundum,
258
levibus huic hamis consertam auroque trilicem
259
loricam, quam Demoleo detraxerat ipse
260
victor apud rapidum Simoenta sub Ilio alto,
261
donat habere viro, decus et tutamen in armis.
262
Vix illam famuli Phegeus Sagarisque ferebant
263
multiplicem, conixi umeris; indutus at olim
264
Demoleos cursu palantes Troas agebat.
265
Tertia dona facit geminos ex aere lebetas,
266
cymbiaque argento perfecta atque aspera signis.
267