Book 5.21-34
Palinurus suggests that the Trojans head for Sicily before going to Italy. Aeneas agrees.
Nec nos obniti contra, nec tendere tantum
21
sufficimus. Superat quoniam Fortuna, sequamur,
22
quoque vocat, vertamus iter. Nec litora longe
23
fida reor fraterna Erycis portusque Sicanos,
24
si modo rite memor servata remetior astra.”
25
Tum pius Aeneas: “Equidem sic poscere ventos
26
iamdudum et frustra cerno te tendere contra:
27
Flecte viam velis. An sit mihi gratior ulla,
28
quove magis fessas optem demittere naves,
29
quam quae Dardanium tellus mihi servat Acesten,
30
et patris Anchisae gremio complectitur ossa?”
31
Haec ubi dicta, petunt portus, et vela secundi
32
intendunt Zephyri; fertur cita gurgite classis,
33
et tandem laeti notae advertuntur harenae.
34