Book 5.162-171
The ship of Gyas is too far away from the turning point. Cloanthus overtakes him on the inside.
“Quo tantum mihi dexter abis? Huc dirige gressum;
162
litus ama, et laeva stringat sine palmula cautes;
163
altum alii teneant.” Dixit; sed caeca Menoetes
164
saxa timens proram pelagi detorquet ad undas.
165
“Quo diversus abis?” iterum “Pete saxa, Menoete!”
166
cum clamore Gyas revocabat; et ecce Cloanthum
167
respicit instantem tergo, et propiora tenentem.
168
Ille inter navemque Gyae scopulosque sonantes
169
radit iter laevum interior, subitoque priorem
170
praeterit, et metis tenet aequora tuta relictis.
171