Vixi, et, quem dederat cursum Fortuna, peregi,
653
et nunc magna mei sub terras ibit imago.
654
Urbem praeclaram statui; mea moenia vidi;
655
ulta virum, poenas inimico a fratre recepi;
656
felix, heu nimium felix, si litora tantum
657
numquam Dardaniae tetigissent nostra carinae!”
658
Dixit, et, os impressa toro, “Moriemur inultae,
659
sed moriamur” ait. “Sic, sic iuvat ire sub umbras:
660
Hauriat hunc oculis ignem crudelis ab alto
661
Dardanus, et nostrae secum ferat omina mortis.”
662