Book 2.355-369
Aeneas and his companions are compared to ravaging wolves as they fight and kill Greeks.
Sic animis iuvenum furor additus: inde, lupi ceu
355
raptores atra in nebula, quos improba ventris
356
exegit caecos rabies, catulique relicti
357
faucibus exspectant siccis, per tela, per hostis
358
vadimus haud dubiam in mortem, mediaeque tenemus
359
urbis iter; nox atra cava circumvolat umbra.
360
Quis cladem illius noctis, quis funera fando
361
explicet, aut possit lacrimis aequare labores?
362
Urbs antiqua ruit, multos dominata per annos;
363
plurima perque vias sternuntur inertia passim
364
corpora, perque domos et religiosa deorum
365
limina. Nec soli poenas dant sanguine Teucri;
366
quondam etiam victis redit in praecordia virtus
367
victoresque cadunt Danai: crudelis ubique
368
luctus, ubique pavor, et plurima mortis imago.
369